Transcription
1
Monseigneur, je receuz à soir votre lettre estant avec madamoyselle de Sainct
2
Priest, laquelle mianctenant se porte bien. Elle vous escript. Au sortir delà, je
3
fis bailler au visenechal de Crest la lettre que pour luy mavés addressé et
4
après baillay au contreroolleur Lyonne le pacquet que luy avés addressé ; et
5
pource quil estoit tard, nous remismes à ce matin de faire signiffier aulx deux
6
receveurs generaulx le contenu au brevet dont mavés anvoyé coppie. Je vous
7
ay anvoyé lacte par lequel vous cognoistrés tout ce que je vous en
8scaurois escripre. Jentendz que et [barré : comme ] ledit le [sic] brevet le porte, les deniers
9
provenuz de ladite allienation du doumaine estre affectez au payement daulcunes
10compagnies dordonnance, les mandements nen sont encor icy arrivez [barré : que ] vous
11
avés à escripre à monsieur de Chart[elard] de les solliciter, car avant silz soient
12
signiffiez et aquictez, vous ne pouvez estre payé de votre assignation ne scavoir
13
de combien faire estat sur icelle ; et y a à craindre que ceulx qui leveront
14lesdits mandements ne les levent de toute la somme dudit domaine vendu [barré : lequel ]
15
et par consequent que votre mandement soit illusoire.
16
Monseigneur, je me recommande très humblement à votre bonne grace et prie Dieu vous
17
donner en très bonne santé très longue vie. A Grenoble, ce XIXme
18
fevrier 1574.
19
Votre très humble et hobeyssant serviteur
20
Prunier.